وسیلۃ النجات

   کتاب کا تعارف:

             تمام تعریفیں اللہ تعالیٰ کے لیے ہیں جس نے ہمیں دعا مانگنے کا حکم دیاہے اور دعا قبول کرنے کی ضمانت دی ہے۔ اُس نے دعا مانگنے والوں اور نیک کام کرنے والوں کے لیے بہترین اجر و ثواب مقرر فرمایا ہے۔ بے پایاں درود و سلام ہو اللہ کے آخری نبی اور آقائے نامدار حضرت محمد مصطفیٰ ﷺ پر اور آپ کی پاک آل پر۔

            اس کتاب وسیلۃ النجات میں محمد و آل محمد علیہم السلام  سے مروی  وہ دعائیں ، زیارتیں ، نمازیں اور شب و روز ، ہفتے ، مہینے اور مختلف ساعتوں کے مسنون اعمال وغیرہ عمدہ ترتیب و اسلوب کے ساتھ پیش کی ہیں جن کی مومنین کو عام طور سے ضرورت ہوتی ہے۔واضح رہے کہ ہم نے تمام مشمولات کی تحقیق نہیں کی ہے۔ امید ہے کہ مومنین اسے مفید پائیں گے اور اس کی برکتوں سے استفادہ کریں گے۔

             دعا ہے کہ اللہ تعالیٰ ہماری اس کوشش کو اپنے تقرب کا ذریعہ قرار دے اور اس کتاب سے مومنین کو فائدہ پہنچے اور  وہ ہمیں مومنین کی دعاؤں اور اُن کے ذخیرہ شدہ اعمال میں شریک ثواب رکھے۔ یقیناً وہ سننے اور قبول کرنے والا ہے۔ اسی کی ذات پرہمارا بھروسا ہے۔ہم اسی سے مدد مانگتے ہیں اور وہی ہمارے لیے بہترین کارساز ہے۔