مصباح المومنین

کتاب کا تعارف:

 تمام تعریفیں اللہ تعالیٰ کے لیے ہیں جس نے ہمیں دعا مانگنے کا حکم دیاہے اور دعا قبول کرنے کی ضمانت دی ہے۔ اُس نے دعا مانگنے والوں اور نیک کام کرنے والوں کے لیے بہترین اجر و ثواب مقرر فرمایا ہے۔ بے پایاں درود و سلام ہو اللہ کے آخری نبی اور آقائے نامدار حضرت محمد مصطفیٰ ﷺ پر اور آپ کی پاک آل پر۔

مصباح المومنین  عربی کتاب منتخب الحسنی کا اردو ترجمہ ہے۔

            اس کتاب مستطاب میں ہم نے قرآن مجید کی سورتیں اور اُن کے پڑھنے کا ثواب نیز محمد و آل محمد علیہم السلام  سے مروی دعائیں ، زیارتیں ، نمازیں اور امراض سے شفا کی دعائیں ، شب و روز ، ہفتے ، مہینے اور مختلف ساعتوں کے مسنون اعمال وغیرہ عمدہ ترتیب و اسلوب کے ساتھ پیش کی ہیں تاکہ مومنین کو یہ تمام چیزیں ایک ہی کتاب میں دستیاب ہوں  واضح       رہے کہ ہم نے تمام مشمولات کی تحقیق نہیں کی ہے بلکہ اصل کتاب پر جس کا یہ ترجمہ ہے اعتماد کیا ہے۔

 دعا ہے کہ اللہ تعالیٰ ہماری اس کوشش کو اپنے تقرب کا ذریعہ قرار دے اور اس کتاب سے مومنین کو فائدہ پہنچے اور  وہ ہمیں مومنین کی دعاؤں اور اُن کے ذخیرہ شدہ اعمال میں شریک ثواب رکھے۔ یقیناً وہ سننے اور قبول کرنے والا ہے۔ اسی کی ذات پرہمارا بھروسا ہے۔ہم اسی سے مدد مانگتے ہیں اور وہی ہمارے لیے بہترین کارساز ہے۔

            یہ کتاب مصباح المومنین اُن چیزوں کا مجموعہ ہے جن کی مومنین کو عام طور سے ضرورت ہوتی ہے۔ امید ہے کہ مومنین اسے مفید پائیں گے اور اس کی برکتوں سے استفادہ کریں گے۔